Romae et in aliis oppidis semper erat forum, ampla platea porticu circumdata. Non erant currus, sed pedites tantum.

     In foro erant templa, tabernae, basilicae et statuae multae, pedestres et equestres, non solum Imperatoris, uerum etiam imperialis familiae atque adeo praeclarorum uirorum.

     Ubi homines felices sub porticum deambulabant ad pluuiam atque solem uitandum et cum amicis uerba faciebant et conueniebant; ubi comitia habebant, iudicia exercebantur, ludi dabantur.

     Ubi mercatores merces emebant uel uendebant; ubi ciues oratores orationes in rostris habentes audiebant, in pergulis pictores et tabulas pictas spectabant, in basilica litigabant aut negotia agebant.

     Ubi uictoriae et clades a nuntiis nuntiabantur et triumphi agebantur.

     Ubi erant etiam argentarii et uenalicii: argentarii argentariam faciebant; uenalicii seruos seruasque uendebant.

     Nam forum erat sedes uitae urbanae et ciuilis et commercialis.